ဂျူနီယာ မှတ်စုများ

Yeah, this post is personal. I can’t hold my joy as I’ve successfully done my first Elective LSCS of elderly primid with bleech delivery. Of my 2 years of posting, this was the first case. I was assisted by specialist AS and the whole operation just took 50 mins that was a little longer than experienced one.

I’ve been in OG ward for nearly 2 months and I assisted many operations. This case was the 2nd case I’ve performed as a surgeon. My first case was laparotomy and left salpingectomy of left ruptured ectopic (tubal) pregnancy.

As there are increasing numbers of MSc students, house-surgeons and AS are getting less chance to perform operations. So. I please to have that case performed. Ths is essential skill for every doctor who will go and serve in rural areas, to manage emergency operations. I serve nearly 2 years of service and very soon will be posted anywhere rather than urban hospitals. I believe my hard-working will please my seniors and they will give me more chances to manage emergency operations which will make me a life saving doctor in rural areas.

ခေါင်းသည် ခဲလုံးကြီး ချိတ်ဆွဲထားသလို လေးလံလှသည်။ မျက်ခွံများသည် ထောက်မမှုမဲ့သော ညောင်ကိုင်းများကဲ့သို့ အောက်သို့ တွဲကျနေသည်။ ချာချာလည်နေသော အတွေးများက ငါဘယ်ရောက်နေလဲ ဆိုတာကို မနည်း စဉ်းစားနေရသည်။ ဘယ်လို အိပ်ရာပေါ် ရောက်ခဲ့လဲ ဆိုတာ တွေးမရ။ အချိန်ဘယ်လောက်လဲ၊ ဒါဘယ်နေ့လဲ၊ ငါဘာလုပ်မလို့လဲ။

နာရီကို လှမ်းကြည့်တော့ ည ဆယ်နာရီ။ ရင်ခေါင်းတစ်ခုလုံးသည် မီးစဖြင့် ထိုးထားသလို ပူလှသည်။ အိပ်ရာဘေးရှိ ရေတကောင်းဆီ လက်လှမ်းရသည်ကပင် ပင်ပန်းလွန်းလှသည်။ ရေသည် အေးမြစွာဖြင့် ဗိုက်ထဲသို့ စီးဆင်းသွားသည်။ ခေါင်းလည်း အနည်းငယ် ကြည်လင်လာသည်။ ဘာမှ မစားရသေးတာ သတိရသည်။ ညတာဝန်ချိန် ကုန်ဆုံး၍ အိမ်ပြန်လာကတည်းက ဘာမှ မစားရသေး၊ ရေချိုးပြီး အိပ်ပျော်သွားခဲ့တာပဲ။ ညကား တိတ်တိတ်ဆိတ်ဆိတ်ပင်၊ အိမ်ကလူတွေတော့ ကိုရီးယားကား ကြည့်တုန်းထင်သည်။ ထပြီး ထမင်းစားသင့်နေမှန်းသိသော်လည်း အိပ်ချင်စိတ်ကြောင့် ချက်ချင်းထမရသေး။ ကိုယ်လက်တွေက ကိုက်ခဲလွန်းလှသည်။ ပြန်စဉ်းစားတော့ မနေ့က အရေးပေါ် ခွဲစိတ်မှုကပဲ ငါးယောက်ရှိသည်။ သွေးညှီနံ့က ခုချိန်ထိ နှာခေါင်းဝ မှာ ရနေတုန်း။ အကုန်အောင်မြင်တာကို ပြန်တွေးမိတော့လည်း ကျေနပ်သလို ခံစားရသည်။

မဖြစ်သေးပါဘူး။ တခုခုတော့ စားမှ။ ပူနေသော ရင်နှင့် တချက်တချက် အောင့်သောဗိုက်က အရင်တခါ အစာအိမ်ရောင်၍ သုံးရက်လောက် ဒုက္ခရောက်တာကို ပြန်သတိရစေသည်။ အဲဒီတုန်းကလည်း အလုပ်များလို့ အစားနောက်ကျတာ သုံးရက်လောက် တော်တော်ခံရသည်။ ထမင်းစားခန်း ဆင်းမည် ပြင်ပြီးမှ ကျန်ပါဦးမလား ဟုတွေးမိသည်။ စည်းစနစ် ကြီးသော အမေက ဒီအချိန်ဆို အိုးတွေ ဆေးပြီးလောက်ပြီ ထင်သည်။ ရေခဲသေတ္တာကို ဖွင့်ကာ အအေးဗူးတစ်ဗူးထုတ်လိုက်သည်။ ပြီးတော့ ဖီးကြမ်းငှက်ပျောသီး တစ်လုံးကို အအေးနှင့် မျောချလိုက်သည်။ ရင်ပူတာရော၊ ဗိုက်အောင့်တာရော အနည်းငယ် သက်သာသွားဟန် ရှိသည်။

ကွန်ပျူတာကို လှမ်းကြည့်တော့ modem က လင့်ခ် မီး လင်းနေတာတွေ့သည်။ သုံးရင်ကောင်းမလား စဉ်းစားသည်။ ဘလော့ဂ်မှာ ကျန်းမာရေး ပို့စ်တွေ တင်ဖို့ စာတွေ စုရဦးမည်ဟု တွေးမိပြန်သည်။ မနက်ဖြန်လည်း ၂၄ နာရီ ပြန်ဆင်းရဦးမည်။ စာမေးပွဲ ဖြေဖို့ ကျက်ရန်စာအုပ်ကိုင်တဲ့ဘက်ကိုလည်း မရောက်သေး။ တွေးရင်း ရင်မောလာပြန်သည်။ အိပ်ယာပေါ် ပြန်လှဲ၍ တောင်တောင် အီအီ စဉ်းစားနေရင်းနဲ့ပဲ လေးကျလာတဲ့ မျက်ခွံတွေအောက်မှာ ပြန်အိပ်ပျော်သွားပြန်လေသည်။

ဒီနေ့ ဆေးရုံမှာ နည်းနည်း စိတ်ညစ်သွားရတယ်။ အလုပ်သင် ညီမငယ် တစ်ယောက်နဲ့ အဆင်မပြေ ဖြစ်တာပါ။

ဖြစ်ပုံက ဒီလို။

ညက အင်တာနက် တက်တာ များသွားတော့ မနက်ကျတော့ ခေါင်းမကြည်ဘူး ဖြစ်နေတယ်။ အလုပ်များတော့ ကော်ဖီလည်း မသောက်မိလိုက်ဘူး။ Ward round လိုက်ပြီး station ပြန်ရောက်တော့ အဲဒီ ညီမက အကို blood check ရမယ်လို့ ပြောတယ်။ အမှန်တော့ blood check ဖို့ဆိုရင် patient’s chart, blood bag and blood issue form သုံးခု ပေါ်မှာ လက်မှတ်ထိုးရတယ်။ အဲဒါတွေကို ယူလာပေးရင် ကြည့်ပြီး လက်မှတ်ထိုးရုံပဲ။ ဖြစ်ချင်တော့ သူကလည်း ယူမပေးဘူး။ ခါတိုင်းဆိုရင်တော့ သာသာကြည်ကြည်ပဲ ပြောဆိုယူခိုင်းပြီး လုပ်လိုက်တာပဲ။ ဒီနေ့တော့ စိတ်တိုသွားမိတယ်။ ဒါနဲ့ သူယူလာပေးမလားလို့ စောင့်တယ်။ သူကလည်း အေးအေးဆေးဆေးပဲ။ မသိသလို နေတယ်။ ပိုစိတ်တိုလာတာနဲ့ နည်းနည်း ဆူလိုက်မိတယ်။ စကားလုံးသုံးတာလည်း နည်းနည်းတော့ ရိုင်းသွားတယ်။ “ကိုယ့်အဆင့် ကိုယ်မသိဘူး” လို့ သုံးလိုက်မိတယ်။ သူလည်း မျက်နှာပျက်သွားတယ်။ ကျနော်လည်း စိတ်မကောင်းဘူး။

သေချာပြန်စဉ်းစားတော့လည်း ဒါ မဖြစ်သင့်တာပဲ။ ကျနော့်လို အကြီးတစ်ယောက်အနေနဲ့ ဆူဖို့က လွယ်ပါတယ်။ ဆူလို့လည်း ရတာပဲ။ ဒါပေမယ့် ဆူလိုက်တော့ ဖြေရှင်းသလိုလဲ မဖြစ်ဘူး။ ဖြစ်သင့်တာက သူ့ကို သေချာအေးအေးဆေးဆေး ပြောရမှာ။ သူကလည်း ဒီလို ရည်ရွယ်တာ ဟုတ်ချင်မှ ဟုတ်မှာလေ။ အဲဒါကို ကိုယ်က ပါဝါပြလိုက်သလို ဖြစ်သွားတယ်။ ကိုယ့်ကို သူများဒီလိုလုပ်လည်း ကိုယ်ကျေနပ်မှာ မဟုတ်ဘူးလေ။

ဒါနဲ့ပဲ ပြန်ချော့မော့ ပြောရတယ်။ ဟုတ်တယ်။ သူတို့က သင်ယူဆဲ အချိန်။ စိတ်ထဲမှာ အကြီးတွေက မတရားဘူးထင်သွားရင် တစ်သက်လုံး အလုပ်လုပ်ရာမှာ ဒဏ်ဖြစ်သွားနိုင်တယ်။ အကြီးဆိုတာ အငယ်ရဲ့ စံပြ ဖြစ်နေမှ သူတို့ အကြီး ဖြစ်လာတဲ့ အခါ အငယ်တွေရဲ့ စံပြ ပြန်ဖြစ်မှာ မဟုတ်လား။

လူကောင်း ဖြစ်ချင်ရင်တော့ ကိုယ်ယုံတဲ့ တရားကို ကိုယ် အမြဲ ကျင့်သုံးဖို့ လိုမယ်လေ …………..

ဟောက်စ်ဆာဂျင်တွေ ရိုးကော(roll call) ခေါ်မယ်ဟေ့။

ပတ်ဝန်းကျင်သည် တမုဟုတ်ချင်း ပြောင်းလဲသွားသည်။ အခုလေးတင် လူသူကင်းမဲ့နေသော စတေရှင်(station) (ဘူတာရုံ မဟုတ်ပါ။ တာဝန်ကျ ဆရာဝန် ဆရာမများ ထိုင်ရာနေရာ ဖြစ်သည်။) သည် အလုပ်သင် ဆရာဝန် ညီငယ်၊ ညီမငယ်များဖြင့် ပြည့်သွားသည်။ ပြည့်မှာပေါ့။ သူတို့ အဆောင်တစ်ခုမှာ တာဝန်ကျက ၄၀ နီးပါးရှိသည်။

ရိုးကောလ် ခေါ်မှ ပြည့်တယ်ဆိုတော့ ကျန်တဲ့ အချိန်ရော။ အများစုသည် နားနေဆောင် အခန်းထဲတွင် နေနေကြခြင်း ဖြစ်သည်။ အချို့လည်း စာဖတ်၊ တချို့လည်း စကားစမြည်ပြော၊ တချို့လည်း လဲလျောင်း အနားယူကြသည်။

ကျနော့်ကို စကားများသည်ဟု သူတို့က ဆိုကြသည်။ အလုပ်ပြီး၍ အခန်းထဲမှာ အနားယူတာ အပြစ်လားဟု ပြောကြသည်။ ordinary ဖြစ်၍ changes (နေ့စဉ် ပြောင်းလဲမှုများ) ဆောင်ရွက်ပြီးလျှင် သူတို့ အလုပ်ပြီးပြီဟု ထင်ကြသည်။ ဆရာ လုပ်တာ၊ အပြစ် သက်သက် ရှာတာဟု စွပ်စွဲကြသည်။

…………………………

ကျနော် အလုပ်သင်ဆရာဝန်ဘဝက အဆောင် တစ်ခုလျှင် ၉ ယောက် ၁၀ ယောက်သာ ဆင်းရလေ့ရှိသည်။ ordinary သမားက ၂၄နာရီ တာဝန်ကျသူများကို မနက် ရှစ်နာရီမှ ညနေ လေးနာရီ အတွင်း ကူညီကြသည်။ ဒါ ဂျူတီသမား တာဝန်ဟူ၍ တွက်ကပ်သူမှာ အနည်းငယ်သာ ရှိပေလိမ့်မည်။

ကျနော်တို့ အလုပ်သင်ဆရာဝန် ဘဝမှာ ပညာရပ် တစ်ခုစီတွင် သုံးလသာ အချိန်ရသည် ဖြစ်ရာ ရောဂါများ၊ ပညာများ မတွေ့လိုက်ရ မတတ်လိုက်ရမှာ အလွန်စိုးရိမ်လေသည်။ ထို့ကြောင့် နေ့ခင်းဘက်ဆိုလျှင် အသစ်တက်လာသော လူနာများကို ဝိုင်း စမ်းသပ်လေ့ရှိသည်။ များသောအားဖြင့် changes များလုပ်ပြီးချိန်များသည် ကြိုးချည်ကျင့်ချိန်၊ စာ အငြင်းအခုန်လုပ်ချိန် များပင် ဖြစ်သည်။ ခွဲစိတ်ခန်း ဝင်ရလျှင်လည်း လက်ထောက်အဖြစ် ဝင်ရသည် ဖြစ်စေ၊ မဝင်ရသည် ဖြစ်စေ မပျက်မကွက် ဝင်ကြည့်ကြသည်။ မသိတာရှိလျှင် အချင်းချင်းမေး၊ အကြီးများကို မေးဖြင့် လေ့လာရသည်။ ဒါတောင်မှ ထိုသုံးလအတွင်း ရောဂါပေါင်းစုံ ကို မမြင်ဖူး၊ မကုဖူးနိုင်သည်မှာ အသေအချာပင် ဖြစ်သည်။

အလုပ်သင်ဆရာဝန်ဘဝသည် သင်ယူဆဲကာလ ဖြစ်သည်။ ထိုအချိန်တွင် မသိမတတ်ဟုသော အခြေအနေကို အကြီးများက နားလည်၍ ရှင်းပြလေ့ ရှိကြသည်။ အလုပ်ဝင်၍ လက်ထောက်ဆရာဝန်ဖြစ်လျှင် မည်သူမျှ ထိုကဲ့သို့ ရှင်းပြတော့မည် မဟုတ်ပါ။ အခြေခံ သဘော တရားများကို နားလည်ပြီးပြီ ဟုယူဆကာ တာဝန်ချထားတော့မည် ဖြစ်သည်။

ကျနော်တို့ ပိုတော်သည်၊ ပိုကြိုးစားသည် ဟု ဂုဏ်ယူနေခြင်း မဟုတ်ပါ။ ယိုယွင်းလာသည် ထင်သော အခြေအနေတစ်ခုကို သတိထားမိနေခြင်းသာ ဖြစ်သည်။ ကျနော်တို့သည် ဆရာဝန်များဖြစ်သည်။ ကျနော်တို့ လက်ထဲတွင် သူတစ်ပါးတို့၏ အသက်များ ရှိနေသည်။ ထို့ကြောင့် ကျနော်တို့သည် ကြီးလေးသော တာဝန်များကို ထမ်းနေရခြင်း ဖြစ်သည်။ ထိုက်တန်သော ရလာဒ် ရသည် ဖြစ်စေ မရသည် ဖြစ်စေ ကျနော်တို့ကို ယုံကြည်၍ အပ်ထားသော လူများအတွက် ကျနော်တို့ သည် ထိုက်တန်ကြောင်း ပြရပေလိမ့်မည်။ ထို့အတွက် ကျနော့် ညီငယ်၊ ညီမငယ်များသည် ကိုယ့်အလုပ်ကို ဂုဏ်ယူ၍ အလေးထားသော အလုပ်သင်ဆရာဝန်များ ဖြစ်ကြောင်း သက်သေပြကြလိမ့်မည်ဟု ကျနော် မျှော်လင့်နေပါသည်။

ဒီနေ့ ဆေးခန်းမှာ လူနာများတယ်။ ဂျူနီယာလည်း ချွေးတွေရွှဲလို့။ မီးမလာတော့ ပန်ကာလေးတွေလည်း အလှပြ ပစ္စည်းတွေလိုပဲ။ ဦးပဇင်းတွေ၊ ကိုရင်တွေ အရင်တင်လိုက်တယ်။ သူတို့ကို အခမဲ့ ကုပေးတာ၊ ကုသိုလ်ပြုတာပေါ့လေ။ သီလရှင်တွေ လည်း အတူတူပဲ။ တခါတလေ သက်ကြီး ရွယ်အိုတွေလည်း အိမ်သူအိမ်သား မရှိဘူး၊ နွမ်းပါးတယ် ဆိုရင် အခမဲ့ပဲ။ ဒါ ဆေးခန်းစထိုင်ကတည်းက။ ကိုယ်က ဗုဒ္ဓဘာသာဝင်လေ။

ဒီလိုနဲ့ လူနာတွေကြည့်ရင်း အသက် ၂၀ ပဲ ရှိသေးတဲ့ လူနာတစ်ယောက် အလှည့် ရောက်လာတယ်။ ဖျားတာက ၃ရက်၊ ဆေး စပ်သောက်နေတယ်၊ ယခင် ကျန်းမာ၊ အခုလောလောဆယ် ကိုယ်လက် ကိုက်ခဲနေတယ်၊ မူးချင်တယ်။ အန်ချင်တယ်။ဆီး၊ ဝမ်း ပုံမှန်။ မတည့်သော ဆေးမရှိ။ သွေးပေါင်ချိန်တိုင်းကြည့်တော့ ၉၀-၆၀။

အိုကေ။ ဓါတ်ဆားရည်သောက်။

အကြောဆေး သွင်းချင်လို့ပါ ဆရာ။

အစားစားနိုင်တယ်မလား။ ဓါတ်ဆားရည်သောက်ရင် ပြန်တက်လာလိမ့်မယ်။

ထိုးပေးပါဆရာရယ်။

အင်းလေ။ ဒါဆိုလည်း ထိုးပေးမယ်။ ဘားပလက်စ် (burplex) တည့်လား။

တည့်တယ် ဆရာ။ အရင်လည်း ထိုးနေကျပဲ။

ဂျူနီယာလည်း 50% ဂလူးကို့စ်ကို ထုံးစံအတိုင်း ဘားပလက်စ် ထိုးဆေးဖြင့် ထိုးပေးသည်။ ပထမ အချက် သွေးကြောပေါက်သွားသည်။ နာလိုက်တာလို့ ညည်းသည်။ နည်းနည်း ဖောင်းသွားသည်။

နောက်အကြောတစ်ကြော ရှာပြီး ထိုးသည်။

အိုကေ … ကဲ အရှေ့မှာ ဆေးယူသွားလိုက်။

ဂျူနီယာ လူနာ ဆက်ကြည့်နေသည်။

ဟာ၊ လဲပြီ ဆရာ။

ခုနက လူနာ ခုံပေါ်က ပြုတ်ကျခြင်းဖြစ်သည်။ ချွေးစေးတွေ ပြန်လို့။ သွေးပေါင်က ထပ်ကျသွားသည်။ 60/ palpable။ စဉ်းစားရပြီ။ ဆေးမတည့်၍ သွေးလန့်ခြင်းလား၊ နာကျင်၍ သွေးလန့်ခြင်းလား။

လုပ်စရာ ရှိတာလည်း ချက်ချင်းလုပ်မှ။ cannula (သွေးကြော ဆေးသွင်းပိုက်) ထည့် normal saline ကို အမြန်သွင်း၊ တဖက်ကလည်း hydrocortisone 100 mg ကို stat dose ထိုးချလိုက်သည်။ အသက်ရှူတာက ပုံမှန်။ သွေးခုန်နှုန်းက တစ်မိနစ်ကို ၉၆။ vital signs (အရေးကြီး လက္ခဏာများ) အကုန်ကောင်းသည်။ သွေးပေါင်ချိန်က ချက်ချင်း ၉၀-၆၀ ကို ပြန်တက်လာသည်။ အိုကေ၊ လူနာကို အနားက ခုတင်တစ်ခုမှာ တင်ထားရင်း ကျန်လူနာတွေ ဆက်ကြည့်ရသည်။ ချိတ်ထားတဲ့ ပုလင်းကုန်သွားတော့လည်း သွေးပေါင်ချိန်က ၁၀၀-၇၀၊ သွေးခုန်နှုန်းက တစ်မိနစ်ကို ၇၂၊ ကျန်တဲ့ လက္ခဏာတွေ ကောင်းတယ်။အခုမှ ဟင်းချနိုင်သည်။

လူနာက ဖျားတာ ၅ရက်မှာ ကော်ဖီနည်းနည်း ပေါင်မုန့်နည်းနည်းက လွဲ၍ ဘာမှ မစားဟုဆိုသည်။ ဆေးစပ်သောက်တော့ တချို့ ဆေးဆိုင်က ပိုးသတ်ဆေး ခပ်ပြင်းပြင်းထည့်ပေးလိုက်ဟန်တူသည်။ လူနာက တော်တော် အားနည်းနေသည်။ ဂျူနီယာကလည်း ပထမ တစ်ချက် ဆေးထိုးစဉ် အကြောပေါက်ပြီး အရေပြားအောက်ရောက်သွားရာ တော်တော်နာသွားသည်။ အဲဒီမှာ pain shock ရသွားခြင်း ဖြစ်သည်။

တခြား မှာစရာရှိတာတွေ ( တစ်ခုခုဖြစ်ရင် ပြန်ပြဖို့၊ အိမ်ရောက်ရင် တစ်ခုခုစားဖို့။ ဆေးသောက်ပြီးရင် အိပ်ရန် စသည်ဖြင့်) မှာပြီး ပြန်လွှတ်လိုက်သည်။ ဂျူနီယာလည်း နွမ်းနယ် ကျန်ခဲ့သည်။ ဆရာဝန်ဖြစ်ရ တယ်မလွယ်ပါလား …….