ဒီမှာ ဘာ သတိထားမိလဲ ဆိုတော့ သူငယ်ချင်း စကားပြောတာ တော်တော်ကောင်းလာတယ်။ ဦးတည်ချက်လည်း ရှိတယ်။ အချိတ်အဆက် လည်း ရှိတယ်။ တကယ့် ပညာတတ်တစ်ယောက် သူ့ပညာကို ဆွေးနွေးနေသလိုပဲ။ ကိုယ်လည်း လျှောက်ပြောနေတာတော့ မဟုတ်ဘူးပေါ့။ သူ့မှာ ရှိတဲ့ ယုံကြည်မှု ကိုယ်မှာ မရှိတာကို ပြောတာ။
ဒါကတော့ အကြောင်းနှစ်ချက်ကြောင့်လို့ ကိုယ် သုံးသပ်မိတယ်
တစ်အချက်ကတော့ ပါတ်ဝန်းကျင်ပဲ။ သူပတ်ဝန်းကျင်မှာက ဆရာဝန်က ဆရာဝန်အလုပ်ပဲ လုပ်ရတယ်။ လေ့လာစရာ စာအုပ်တွေလည်း လေ့လာရတယ်။ အဲဒီ လေ့လာချက်တွေ အတိုင်းပဲ သူလုပ်ရတယ်။ ဥပမာ နှလုံးရောဂါသည် လာတယ် ဆိုပါစို့။ သူလုပ်စရာ ရှိတာက ECG ဆွဲ၊ ဓါတ်မှန်ရိုက်၊ သွေးစစ်ဆေး စရာရှိရင် စစ်ဆေး။ ပြီးရင် တွေ့ရှိချက်အတိုင်း ဆေးပေးရုံပဲ။ ကိုယ်တို့ကတော့ ဒီလို မဖြစ်သေးဘူးလေ။ ECG ဆိုတာ နယ်မြို့လေးတွေမှာ မရှိနိုင်သေးဘူး။ သွေးစစ်ဖို့ဆိုတာကလည်း နေရာတိုင်း မဖြစ်နိုင်။ တကယ်လို့ ကိုယ်က ဒီလိုထင်လို့ ပေးမယ် စဉ်းစားရင်တောင် ကိုယ်တာဝန်ကျတဲ့ဒေသမှာ ဝယ်မရတဲ့ဆေးတွေက အများကြီး။ အဲဒီတော့ နောက်ဆုံးပေါ် ကုသနည်းတွေနဲ့ ကိုယ်နဲ့က နည်းနည်းဝေးနေတယ်။ သူတို့ဆီမှာ ရှော့ခ် (Shock) ကို Central venous line (femoral vein) ထည့်နေချိန်မှာ ကိုယ်တွေက venous cut down လုပ်နေရတုန်းပဲ။ နောက်ပိုင်းစာအုပ်တွေဆို venous cut down ဆိုတာ သိပ်မြင်ရတော့မှာ မဟုတ်ဘူးလေ။ တချို့ ရောဂါတွေဆို Diagnosis ကို သူတို့ ဆီမှာ CT scan, MRI, Scope တွေနဲ့ပဲ Confirm လုပ်နေချိ်န်မှာ ကိုယ်တွေက ကိုယ့်ရဲ့လက်တွေ နားတွေ ကို အသုံးပြုနေရတုန်း။ အဲဒါမျိုးတွေဆို ဟိုခေတ်က စာအုပ်အဟောင်းတွေ ပြန်ရှာဖတ်ရတယ်။ နောက်ထွက်တဲ့ edition တွေဆို မပါတတ်တော့လို့။
နောက်တစ်ခုကတော့ သူဟာ တကယ် ဇောက်ချလုပ်ကိုင်ခြင်း ဆိုတဲ့ Professional ဖြစ်နေပြီ။ သူတို့ဆီမှာ ဆရာဝန်တွေက ဆေးကုဖို့က လွဲလို့ ဘာမှ ပူစရာမရှိဘူး။ သူတို့ဆေးရုံမှာဆို ဆရာဝန်တွေ စိတ်ဖိစီးမှု နည်းပါးရေး ကော်မတီတောင် ရှိတယ် ဆိုပဲ။ ဒီမှာကတော့ အမျိုးစုံပါပဲ။ လူနာစောင့်တွေ၊ ဆေးဖိုးဝါးခ၊ ဆေးခန်း၊ ဆက်ဆံရေး၊ သန့်ရှင်းရေး ကအစ ကိုယ့်ခေါင်းပေါ် တော်တော် ရောက်တယ်။ ဒီမှာက နောင်တစ်ချိန် ဆရာဝန် ဖြစ်မယ့် ဟောက်ဆာဂျင်တွေ ဆေးရုံလာမလာကိုတောင် စောင့်ကြည့် စာရင်းယူနေရတာ။ ပညာယူဖို့ တက်တက်ကြွကြွ ဖြစ်နေရမယ့် ကိစ္စကို ဘယ်လိုကြောင့်များ ဆေးရုံမလာချင် ဖြစ်နေကြတယ် မသိဘူး။ (ကိုယ့်ဘာသာရပ်ကို ကိုယ်တန်ဖိုး မထားတာ အံ့သြဖို့ ကောင်းတယ်) အဲ … အပို အလုပ်တွေ လုပ်ရတာကို ပြောတာပါ။ ကိုယ်တို့ ဒီက ဆရာဝန်တွေက Semi-pro ဖြစ်နေတာပေါ့နော်။
ဒါပေမယ့် ဒီမှာလည်း တကယ် ပရိုဖက်ရှင်နယ်ကြီးတွေ ရှိပါတယ်။ အခု ဆရာဝန်ကြီးတွေ ပရော်ဖက်ဆာကြီးတွေကလည်း ကိုယ်တို့လို ဘဝကို ဖြတ်သန်းပြီး နိုင်ငံတကာ အသိအမှတ်ပြု အထူးကု ဘွဲ့တွေ ယူထားကြတာပဲ။ တကယ်တမ်း ပြဿနာက ကိုယ် ကြိုးစားဖို့ လိုနေပြီ၊ အခုထက် အားထည့်ဖို့ လိုနေပြီ ဆိုတာပဲ ဖြစ်မှာပါ။
]]>ဆိုင်းမဆင့် ဗုံမဆင့် ပြောလာသော မိန်းမဖြစ်သူကို မော့ကြည့်မိသည်။
ဘာလို့လဲ၊ သားက စာမလိုက်နိုင်လို့လား။ သားက ဥာဏ်လဲကောင်းတယ်။ အကိုတို့လည်း စာပြပေးနေတာပဲ။
ဒါပေမယ့် သူကျောင်းမှာ ခဏခဏ အဆူခံရတယ်တဲ့ အကိုရယ်။ တော်ကြာနေ ဆော့လို့၊ တော်ကြာနေ စာအုပ်က ညစ်ပတ်တာပဲ၊ တခါတခါကျတော့ ဘာမှ မဟုတ်ဘဲ ဆရာမက ဆူတယ်တဲ့။ မနေ့က ညီမကို သူပြောတာ အကို့ကို မြင်စေချင်တယ်။ ကလေးက ဝမ်းနည်းနေတတ်ပြီ။ တော်ကြာ ကျောင်းမှာ မပျော်ဘဲ ဖြစ်သွားဦးမယ်။
ဟ၊ အဆူခံရတာ ကျူရှင်မတက်တာနဲ့ ဆိုင်လို့လား။
ဆိုင်တာပေါ့ အကိုရယ်။ ညီမ မနေ့က ဟိုဖက်လမ်းက မသီရိက ပြောနေသေးတယ်။ သူ့သား လည်း အရင်က အဲလိုပဲတဲ့။ ခဏ ခဏ အဆူခံရတာ ကျူရှင်ထားလိုက်တော့ မှ အဆူခံရ သက်သာသွားတော့တာ။ အခုဆို သား သား နေတာပဲတဲ့။
အဲဒါဆို ဘယ်လိုလုပ်ရမလဲ။ ကျူရှင်ခက ဘယ်လောက်လဲ။ ပြီးတော့ မင်းရော အကိုရော အားမှ မအားတာ ကလေးကို ဘယ်သူ ကျူရှင်ပို့မလဲ။
ကျူရှင်ခ ကတစ်လ ငါးထောင်လောက်တော့ ပေးရမယ် ထင်တယ်။ ကျူရှင်က နေ့တိုင်းတက်စရာ မလိုဘူးတဲ့။ အဓိကက ဆရာမဆီ အပ်ပြီး လခ အမြဲ ပေးနေရင် ရပြီတဲ့။ ပို့တာ မပို့တာ က အရေးမကြီးဘူးတဲ့။
ဘယ်လို ခေတ်ကြီးလဲကွာ။ အကိုတို့ ငယ်ငယ်တုန်းကဆို ခုနှစ်တန်း အင်္ဂလိပ်ဆရာ ဦးကျော်မြင့်ဆို စနေ တနင်္ဂနွေ အချိန်ပို ခေါ်သင်တာ တပြားမှ မပေးရဘူး။ အခုခေတ်ကျမှ …
အကိုရယ် သူတို့လည်း လခ မလောက်လို့ နေမှာပေါ့။
အော်၊ မင်းတို့ အကိုတို့ရော လောက်နေလို့လား။ မတတ်နိုင်လို့ နွေရာသီသင်တန်းတွေ ဘာတွေတောင် ကလေး ကို ပို့နိုင်တာမဟုတ်ဘူး။ သူ့ရှေ့ရေးတော့ ရင်လေးပါတယ် ကွာ။ ကဲ ထားသာ ထားလိုက်။ မင်းပဲ သွားအပ်ပေးလိုက်နော်။ ဖြစ်တယ်မလား။ အကို့ ကို ဒီနေ့ကစပြီး မနက် လက်ဘက်ရည် ဝယ်မလာနဲ့တော့။ နည်းနည်းတော့ ပို အသုံး စိစစ်ရတော့မယ် ထင်တယ်။ ဘယ်တတ်နိုင်မလဲလေ။
]]>အသက် ၅၀ ထက် မကြီးရဘူး။
ဆေးပညာရယ်၊ ခန္ဓာဗေဒရယ်၊ ဇီဝဓါတုဗေဒရယ်၊ ရောဂါဗေဒရယ် မကွေးမှာ စဖွင့်တာတွေ့ရတယ်။
စာကျက်ပြီးသားလူတွေ ဖြေဖို့ ပြင်ကြပေတော့။
]]>ဒီသီချင်းလေး ကို ငယ်ငယ်လေးထဲက ကြားဖူးတယ်။ သိပ်အကြိုက်ကြီး မဟုတ်ဘူး။ ဒါပေမယ့် အခုတလောတော့ ဒီသီချင်းပဲ ညည်းချင်နေတယ်။
ဂျူနီယာ စာမရေးဖြစ်တာလည်း ကြာလှပေါ့။ သင်တန်းက ပြန်ရောက်တာ အခုဆို တစ်လကျော်သွားပြီ။ တစ်ခါမှ ဘလော့ကို မရေးဖြစ်သလို သူများ ဘလော့တွေတောင် ဝင်မကြည့်ဖြစ်ဘူး။ ကွန်နက်ရှင် မကောင်းတာလည်း ပါတာပေါ့။ လျှပ်စစ်မီးဆိုတာကတော့ ရန်ဖြစ်ထားတဲ့ အတိုင်းပဲ။ သူလာရင် ကိုယ်မအား။ ကိုယ်အားရင် သူမလာ။
ပို့စ် မရေးဖြစ်တဲ့ အကြောင်းထဲမှာ ဘာရေးရမလဲဆိုတာ မသိတာလည်း ပါတယ်။ ဆေးရုံက sister ဆရာမ တစ်ယောက် ပြောဖူးတယ်။ “All the truth are not to be told” တဲ့။ အခုတလော ခံစားချက်တွေက ရင်ဖွင့်လို့ မကောင်းတဲ့ အကြောင်းအရာတွေ များတယ်။ ရေလိုက်ငါးလိုက် ဒါမှမဟုတ် အများလိုပဲ မိုးခါးရေသောက် ဒီလိုပဲ နေနေရတော့ ဦးနှောက်တွေလည်း မသွက်တော့ဘူး။
ဒီလဆိုရင် ဂျူနီယာတို့ posting ပြောင်းကြရပြီ။ တချို့တလေလည်း ခပ်ဝေးဝေး။ တချို့လည်း ခပ်နီးနီး။ လူတစ်စုကျတော့ ရန်ကုန်မြို့ တစ်ဝိုက်မှာ။ ဒီနေရာမှ ဘာတွေ့ရသလဲ ဆိုတော့ အဲဒီလူစုမှာ ဆင်တူတာလေးတွေ ရှိတာတွေ့ရတယ်။ ဘာတွေ ဆင်တူသလဲ ဆိုတော့ ဘဝပေးကောင်းတာပေါ့ဗျာ။ ဘယ်လို ဘဝပေးကောင်းလဲ ဆိုတာတော့ မမေးနဲ့။ ဒီခေတ်ကြီးမှာ ဘဝပေးကောင်းတာ ဘာရှိသလဲ။
လူတစ်ယောက်ကို အလုပ်ကြိုးစားစေချင်တယ်ဆိုရင် စည်းကမ်းချည်းပဲ တင်းကျပ်နေလို့ မရနိုင်ဘူး။ ဆုလာဒ်လေးတွေလည်း ပေးရတယ်။ အဲဒါမှ အဲဒီလူရဲ့ ကြိုးစားချင်စိတ်ကို မြင့်တင်ပေးရာ ရောက်တယ်။ ဆုပေး ဒဏ်ပေး။ ဘိုလို ဆိုရင်တော့ “Carrots and Stick” ပေါ့။ ဒါကို စီမံခန့်ခွဲမှု ပညာရပ်မှာရော ဆေးပညာမှာရော ပါဝင်တဲ့ Behavioral Science မှာ သေချာရှင်းပြထားတယ်။ ဆုတော့ ပေးစရာ မရှိဘူး။ တစ်ခုခု မမှားနဲ့၊ ပြန်မပြောနဲ့၊ အဆင်မပြေ မဖြစ်နဲ့ သေချာတယ် အပြစ်ပေးခံရမယ် ဆိုလို့ကတော့ အပြစ်မဖြစ်အောင်ပဲ နေကြတော့မှာပဲ။ ကြိုးစားမှုမှာ အနည်းနဲ့ အများတော့ ထိခိုက်လာနိုင်တယ်။
လူတိုင်းမှာ မာနဆိုတာ ရှိသင့်သလောက် ရှိသင့်တယ်။ ဒါမှ ကြိုးစားမှု ဆိုတာ ဖြစ်လာမှာ။ ကိုယ်ကတော်လို့ မဟုတ်ဘဲ အခွင့်အရေးတစ်ခုခု ရှိလို့ သူများ အပေါ်မှာ ရောက်နေတယ် ဆိုရင် ဘယ်လောက် ရှက်ဖို့ ကောင်းမလဲ။ ဒါပေမယ့် မရှက်ကြပါဘူး။ ဒါတွေကိုပဲ အလုအယက် မက်မောနေကြတာ မဟုတ်လား။ ကိုယ်ကျင့်ကို ဖက်တွယ်ပြီး သူတို့လို အခွင့်အရေး မယူတဲ့ လူတွေတောင် ငတုံးလို့ မြင်တတ်ကြတယ်။ ဒီလိုလူတွေများလာရင် အဲဒီ အလုပ်က တိုးတက်မှု ရှိပါဦးမလား။
တွေးကြည့်တာပါ။ ဘယ်သူကိုမှ မရည်ရွယ်ဘူး။ ထိခိုက်မှု ရှိရင် ခွင့်လွှတ်ပါ။ ဂျူနီယာလည်း တော်တော် ညံ့သေးတယ်။ ညံ့တော့ တော်တဲ့သူတွေကို ဘေးထိုင် ဘုပြောကြည့်တာပေါ့။ မကောင်းဘူး။ ဒီအကျင့်က မကောင်းဘူး။ ပြင်မှ။
ဒီလလယ်ဆို ဂျူနီယာလည်း တောင်ခြေ မြို့လေးတစ်မြို့မှာ သဘာဝနဲ့ အလွန်နီးကပ်စွာ (ရုပ်ဝတ္တု ပစ္စည်းများနှင့် ဝေးကွာစွာ) သွားရောက် နေထိုင်ရဦးမည်။
]]>၁၀ ပတ်ကုန်သွားတဲ့ အချိန်နောက်မှာ ကိုယ့်ကိုကိုယ် ပြန်ဆန်းစစ်ကြည့်တယ်။ ဘာတွေ အကျိုးရှိလာသလဲ လို့။
ကိုယ်အလေးချိန် ကျသွားပါတယ်။ ၁၀ ပေါင်ကျော်ကျသွားတာပါ။ ပြီးခဲတဲ့ နှစ်ဆန်းပိုင်းလောက်က စဝလာလိုက်တာ သင်တန်းမတက်မီ အထိ ကျနော် ၁၃၁ ပေါင်အထိ ရောက်သွားပါတယ်။ အခု ၁၂၀ လောက်ပဲ ရှိပါတော့တယ်။ လေ့ကျင့်ခန်းတွေ မှန်မှန်လုပ်၊ အချိန်မှန် လမ်းလျှောက်ရတာတွေရဲ့ အကျိုးကျေးဇူးပေါ့။ အစားအစာ စားမကောင်းလို့ မစားနိုင်တာလည်း ပါပါတယ်။
စာကျက်ဖို့ အစပျိုးဖြစ်ပါတယ်။ အဆောင်က hall type ဆိုတော့ စာကျက်ရတာ အာရုံ စူးစိုက်မှု မရပေမယ့် နည်းနည်းတော့ ကျက်ဖြစ်ပါတယ်။ စက်တင်ဘာ မှာ ဖြေရမှာ ဆိုတော့ နည်းနည်း မြန်မြန် ဖတ်ဖို့တော့ လိုတာပေါ့လေ။
လူတွေနဲ့ ပိုဆက်ဆံဖြစ်ပါတယ်။ အရင်က လူနာရယ် ဆရာဝန်ရယ် အလုပ်သမားရယ် မိသားစုရယ် သူငယ်ချင်းတွေရယ် ဒါတွေနဲ့ပဲ တွေ့ထိ ဆက်ဆံနေတာကနေ အခုတော့ နေရာအနှံ့က အရာရှိအမျိုးမျိုးနဲ့ ဆက်ဆံရတာပေါ့လေ။ နည်းနည်း အခက်အခဲ ရှိပေမယ့် မဆိုးပါဘူး။
Presentation skill တက်လာပါတယ်။ Discussion တွေမှာ ရှေ့ထွက်ပြီး များများပြောဖြစ်တယ်။ ဘယ်လို ပြောရင် ဆွဲဆောင်မှု ရှိလဲ။ ဘယ်လို ပြင်ဆင်ရမလဲ စသည်ဖြင့် အရင်ထက်တော့ ကိုယ့်ကိုကိုယ် ယုံကြည်မှု ပိုလာပါတယ်။
အနားရပါတယ်။ အလုပ်ကနေ ခဏ အနားရပါတယ်။ စိတ်လွတ်ကိုယ်လွတ် မဟုတ်ပေမယ့် အလုပ်မှာ ရှိတဲ့ စိတ်ဖိစီးမှုတော့ နည်းနည်း လျော့သွားတယ်။
ပိုတွေးဖြစ်ပါတယ်။ အနာဂတ်အတွက် ဘဝအတွက် ကိုယ်ဖြစ်ချင်တာ ကိုယ်လုပ်ပေးချင်တာ ကိုယ်ယုံကြည်တာတွေကို မျှတအောင် ဘယ်လိုလုပ်မလဲ ဆိုတာ ပိုနားလည်လာတယ်။ အရင်လို တဇွတ်ထိုး လုပ်ချင်ရာလုပ် ပြောချင်ရာပြောလို့ မရဘူးဆိုတာ ပို နားလည်လာပါပြီ။
ကျနော့ Consultant က ပြောဖူးတယ်။ “Life depends on your perspectives” တဲ့။ အရင်က နားမလည်ခဲ့ဘူး။ အခုတော့ နားလည်သွားပြီ။ ဘယ်လို အခြေအနေမှာပဲ ဖြစ်ဖြစ် ကိုယ်အနေနဲ့ အကျိုးရှိမယ့် အရာကို အချိန်သုံးတတ်ဖို့ပဲ လိုတယ်။
]]>ဒုတိယ အချက်ကတော့ အေး၍ ဖြစ်သည်။ အဲယားကွန်းဆိုတာနဲ့ တစ်ခါမှ မအိပ်ဖူးသူ၊ အမြဲတမ်း စောင်ခြုံမှ အိပ်တတ်သူ ဖြစ်ရာ ဆောင်းရာသီသည် အိပ်ရာထဲတွင် ဇိမ်အကျဆုံး ဖြစ်သည်။
တတိယအချက်ကတော့ ရုံးပိတ်ရက်အများဆုံးလ (ဧပြီလမှလွဲ၍) ဖြစ်ရာ ကျောင်းသားဘဝရော ဝန်ထမ်းဘဝတွင်ပါ မကြိုက်စရာ ဘာရှိသနည်း။ အဲ .. ပိတ်ရက် ဂျူတီကျရင်တော့ ပျင်းဖို့ကောင်းလေသည်။ ဆေးရုံတွင်တော့ ၃၁ ရက် ဂျူတီကို အမြဲ မဲနှိုက် ရွေးရလေ့ရှိသည်။ လူတိုင်းက သူ့အစီအစဉ်နဲ့သူကိုး။
ဒီနှစ် ဒီဇင်ဘာကတော့ နည်းနည်း ပျင်းဖို့ကောင်းမည် ဖြစ်သည်။ ၂၀ ရက်ဆိုလျှင် ဗဟို ဝန်ထမ်းတက္ကသိုလ် သွားတက်ရတော့မည် ဖြစ်သောကြောင့်။ ဘလော့ဂ်ရေးတာလည်း ခဏတော့ နားရပေဦးမည်။
]]>I strongly condemned the terrorism in india and all over the world which cause innocent people death and injuries.
]]>Ward round ရင်း စကားစလိုက်သော ဆရာကြီး စကားကြောင့် အားလုံး နားစွင့်လာကြသည်။ လက်ဖဝါးတွင် မောင် ဟု ဆေးမင်ကြောင် ထိုးထားသော လူနာအမျိုးသမီးငယ်ကလည်း ဇဝေဇဝါဖြင့် ကြည့်နေသည်။ ဆရာကြီးက စကားမဆက်ပဲ လူနာကို ဆက်ပြီး စမ်းသပ်နေသည်။ ဓါတ်မှန်ကို ထောင်ကြည့်သည်။ ပေးထားသော ဆေးများကို ပြန်သုံးသပ်ပြန်သည်။ အာလုံးကတော့ စကားကို လိုအပ်သလို ထိထိမိမိ ပြောတတ်သော ဆရာကြိး ဘာစကားဆက်မလဲဟု စိတ်ဝင်စားနေကြသည်။
သက်သာလား၊ သမီး။
သက်သာပါတယ်၊ ဆရာ။
သမီးလက်က ဆေးမင်ကြောင်က ထိုးတာတာ ကြာပြီလား။
အမျိုးသမီးငယ် မျက်နှာ အနည်းငယ် ရှက်သွေးလွှမ်းသွားသည်။ ၄ နှစ်လောက်ရှိပါပြီ၊ ဆရာကြီး။ တောင်ပြုန်းပွဲ သွားရင်း မန္တလေးသွားရင်း ထိုးခဲ့တာပါ။
သမီး အမျိုးသားရော။
မနှစ်ကတည်းက ဆုံးသွားပါပြီ။ လေးနှစ်ကျော်ပဲ ပေါင်းလိုက်ရပါတယ်။ ဒီရောဂါနဲ့ပဲ ဆုံးသွားတာပါ။
(လူနာအမျိုးသမီး၏ ရောဂါနေရာတွင် HIV infection ဟု ရေးထားသည်)
သြော်၊ ဘယ်မှာနေတာလဲ။
ရန်ကုန်မှာပါပဲ ဆရာကြီး၊ ….. မြို့နယ်မှာပါ။
ဆရာကြီးက စကားမဆက်ပဲ လူနာ ဆက်လက် ကြည့်ရှုသည်။ ဆရာဝန်၊ သူနာပြု အခန်းရောက်တော့ သူနာပြုဆရာမကြီးက မနေနိုင်တော့။
ဆရာကြီး ဆက်ပြောလေ။ လက်မှာ ဆေးမင်ကြောင်ထိုးတာနဲ့ ကျန်းမာရေး ပညာပေးလိုတာနဲ့။
စဉ်းစားကြည့်လေ။ လွန်ခဲ့တဲ့ လေးနှစ်ဆိုတော့ သူ့မှာ ဒီပိုး စရှိမရှိ မသိနိုင်သေးဘူးလေ။ တကယ်ပဲ ဆေးမင်ကြောင်ထိုးလို့ ကူးတာလား။ ဒါမှမဟုတ် အဲဒီအချိန်ကပဲ သူ့မှာ ရှိနေပြီလား။ ဆေးမင်ကြောင်ထိုးတဲ့လူတွေက ဘယ်လောက်များမလဲ။ ကူးနိုင်တာကို စဉ်းစား ကြည့်တာပါ။
ဒါမှမဟုတ်ရင် နောက်မှပဲ ကူးတာလား။ ဒါကတော့ ဘယ်လိုမှ မသိနိုင်ဘူးလေ။ သူ့အမျိုးသားက မနှစ်က ဆုံးတယ်ဆိုတော့ ရှိခဲ့တာ ကြာနေပြီ ဆိုတာ ဖြစ်နိုင်တာပဲ။ ဒီထက် ပိုကူးနိုင်တာက အသည်းရောင်အသားဝါ ဘီ ရောဂါပိုးပဲ။ တစ်နှစ်တစ်နှစ် ဆေးမင်ကြောင် ထိုးတာကနေ HIV, အသည်းရောင်အသားဝါ ဘီ နဲ့ စီ ကူးတာ ဘယ်နှစ်ယောက်ရှိနိုင်မလဲ စဉ်းစားကြည့်ပေါ။ ဒီက ဆေးမင်ကြောင်အပ်တွေကို တစ်ခါသုံအပ် ဒါမှမဟုတ် သေချာ ပိုးသတ်ထားတဲ့ အပ်တွေ သုံးတဲ့ ဆိုင်တွေမှာပဲ ဆေးမင်ကြောင်ထိုးကြဖို့ အသိပေးတာ ပိုလုပ်သင့်တာပေါ့။
ဆရာကြီး ဆေးမင်ကြောင်ထိုးတာ ပွဲဈေးတန်းတွေမှာ အများဆုံးထိုးကြတာဆိုတော့ ပွဲဈေးတန်း ကြီးကြပ်တဲ့သူတွေကို တာဝန် ပေးလိုက်ပေါ့ ဆရာကြီး။
ဝင်ပြောလိုက်သော လက်ထောက်ဆရာဝန် ဂျူနီယာ စကားကြောင့် ဆရာကြီး ပြုံးလိုက်သည်။
အေး၊ အဲဒါကိုတော့ မင်းကိုပဲ တာဝန်ပေးရမယ်။ ပွဲရှိရင် မင်းကို ကြီးကြပ်သူစာရင်းထဲ ထည့်ပေးဖို့ TMO ( မြို့နယ် ဆရာဝန်ကြီး) ကို ငါ ပြောပေးမယ်။
………………………………………………………………………………………………………………………………………………………..
]]>